Hasi baino lehen,

1.- Baloratu behar duzu:

• Lanaren ezaugarriak: luzera, gaia, noizko aurkeztu behar duzun…
• Zer dakizun gaiaz
• Bibliografía edo beharrezko datuak eskura dituzun ala ez (gerta daiteke beharrezko duzun informazioa/liburuak/artikuluak/datuak eskura ez izatea edo zaila izatea lortzen)
• Norentzat den eta non aurkeztu behar duzun, baita zer lortu nahi duzun ere.
• Erabili beharreko erregistroa eta tonua

2.- Jaso ideia nagusiak eta balizko antolaketa. Bien bitartean, irakurri eskura duzun informazioa. Horretarako,

• Bibliografía oinarrizkoa eta beharrezko datuak/txostenak/inkestak bildu
• Fitxa bibliografikoak egin eta bertan jaso  erabiliko duzun informazioa edota erreferentzia bibliografiko guztiak (autorea, argitaletxea, urtea, orrialdea….)
• Hasi antolatzen eta egituraketa egokiena garatzen

• Behin eskema eginda eta  oinarrizko bibliografia irakurrita, hasi idazten.
• Erabili testu prozesadoreak, lana errazten dutelako. Lagunduko dizute   informazioa biltzen eta antolatzen (“corta y pega”).
• Baliatu azalpenaz eta argumentazioaz (beharrezkotzat joz gero)
• Baloratu eta aztertu irakurleek gaiaz zer dakiten  (zure abiapuntua) eta zer  ekar dezakezun (zure lanaren helburua)
• Zaindu informazioaren progresioa
• Zaindu ideien eta idatzi osoaren koherentzia eta egokitasuna
• Idatzi modu ulergarrian, sahiestu estilo ponposoa
• Gorde Euskaltzaindiaren arauak eta zaindu puntuazioa
• Erabili baliabide desberdinak

• Ez utzi bukaerarako berrikuspena.  Idatzi ahala, berrikusi. Gutxienez, bitan berrikusi beharko duzu lan osoa.
• Urrundu testutik eta irakurlearen rola hartu, idazkia baloratzeko: Ulergarria da? Zuzena da? Egokia da? Lagungarria suerta dakizuke beste ikaskide/ezagun batek idazkia irakurtzea. Aztertu eta baloratu bere proposamenak eta, gero, horien arabera beharrezkotzat jotzen dituzun aldaketak egin.
• Bereziki berrikusi: informazioaren progresioa eta hierarkizazioa (ezagunetik ezezagunera); koherentzia (informazioa, itxura, estiloa…); lotura logikoa (konektore egokienak ); zuzentasuna (gramatika, hiztegia, puntuazioa…).
• Gogoan izan,  ondorioetan,   agertu behar duzula lan osoan jasotako informaziotik eta ekarritako datu objektiboetatik  ondorioztatzen dena.