Hasi baino lehen,

1.- Baloratu behar duzu:

• Lanaren ezaugarriak: luzera, gaia, noizko aurkeztu behar duzun…
• Zer dakizun gaiaz
• Bibliografia eskura duzun ala ez (gerta daiteke beharrezko duzun informazioa/liburuak/artikuluak eskura ez izatea edo zaila izatea lortzen)
• Norentzat den eta non aurkeztu behar duzun, baita zer lortu nahi duzun ere.
• Erabili beharreko erregistroa eta tonua

2.- Jaso ideia nagusiak eta balizko antolaketa. Bien bitartean, irakurri adituek  idatzitakoa gaiaren gainean, zure ezagutza hobetzeko eta handitzeko. Horretarako,

• Bibliografia oinarrizkoa bilatu
• Fitxa bibliografikoak egin eta jaso aipuak (testualak eta parafraseatutakoak), grafikoak, zehaztasun bibliografiko guztiak (autorea, argitaletxea, urtea, orrialdea….)
• Hasieratik sintetizatu edota laburtu
• Zehaztu eta mugatu gaia
• Hasi antolatzen eta egituraketa egokiena jorratzen

• Behin eskema eginda eta  oinarrizko bibliografia irakurrita, hasi idazten. Ez da beharrezkoa lehen puntutik hastea.
• Erabili testu prozesadoreak, lana errazten dutelako. Lagunduko dizute   informazioa bilatzen eta antolatzen (“corta y pega”).
• Ez kezkatu informazioak gainezka egiten badizu. Oro har, ohikoa da digresioak, gaiaren beste ikuspegi batzuk agertzea, hierarkia berriak… Komeni da, hasieran, guztia jasotzea; gero erabakiko duzu zer erabili eta zer ezabatu.
• Baliatu azalpenaz eta argumentazioaz
• Baloratu eta aztertu irakurleek gaiaz zer dakiten  (zure abiapuntua) eta zer  ekar dezakezun (zure lanaren helburua)
• Zaindu informazioaren progresioa
• Zaindu ideien eta idatzi osoaren koherentzia eta egokitasuna, baita  puntuazioa eta zuzentasuna ere
• Idatzi modu ulergarrian, sahiestu estilo ponposoa
• Erabili baliabide desberdinak

Gogoan izan huts ohikoenak:

• Luzera ez zaintzea.
• Marjinik gabeko lana, justifikatu gabekoa
• Letra tamaina eta lerroartea ez zaintzea
• Ortografía, puntuazio okerra
• Aipuak gaizki baliatzea
• Hizkera ponposoa

• Ez utzi bukaerarako berrikuspena.  Idatzi ahala, berrikusi. Gutxienez, bitan berrikusi beharko duzu lan osoa.
• Urrundu testutik eta irakurlearen rola hartu, idazkia baloratzeko, : Ulergarria da? Zuzena da? Egokia da? Lagungarria suerta dakizuke beste ikaskide/ezagun batek idazkia irakurtzea. Aztertu eta baloratu bere proposamenak eta, gero, horien arabera beharrezkotzat jotzen dituzun aldaketak egin.
• Bereziki berrikusi: informazioaren progresioa eta hierarkizazioa (ezagunetik ezezagunera); koherentzia (informazioa, itxura, estiloa…); lotura logikoa (konektore egokienak ); zuzentasuna (gramatika, hiztegia, puntuazioa…).
• Gogoan izan,  ondorioetan,   agertu behar duzula lan osoan jasotako informaziotik eta ekarritako datu objektiboetatik  ondorioztatzen dena.   Ez egin balorazio subjektiborik.